ესპანეთი: იალქნიან ნავზე 600 კილოგრამი კოკაინი აღმოჩნდა
იალქნიანი ნავი, რომლითაც 600 კილოგრამი კოკაინი გადაჰქონდათ, ატლანტის ოკეანეში საზღვაო ნარკოტრაფიკის წინააღმდეგ ბრძოლის საერთაშორისო ოპერაციის დროს დააკავეს, რომელშიც ესპანეთის, საფრანგეთის, დიდი ბრიტანეთისა და შეერთებული შტატების სამართალდამცავები მონაწილეობდნენ.
ესპანეთის ეროვნული პოლიციის ცნობით, იალქნიანი ნავი, რომელიც პოლონეთის დროშით დაცურავდა, ტენერიფედან დასავლეთით, დაახლოებით 800 საზღვაო მილის მანძილზე, კარიბის ზღაში საფრანგეთის ხელისუფლების წარმომადგენლებისგან მიღებული ინფორმაციის საფუძველზე დააკავეს.
ეკიპაჟის ორი წევრი დაპატიმრებულია. სამართალდამცავებმა ამოიღეს 600 კილოგრამი კოკაინი, რომელიც 19 პაკეტად იყო დანაწევრებული, ასევე სხვადასხვა დოკუმენტი და ელექტრონული მოწყობილობა.
