ჰამბურგში სამგზავრო მატარებელი და სატვირთო მანქანა ერთმანეთს შეეჯახნენ, დაიღუპა ერთი და დაშავდა, სულ მცირე, 12 ადამიანი
ჰამბურგში სამგზავრო მატარებლისა და სატვირთო მანქანის შეჯახების შედეგად ერთი ადამიანი დაიღუპა, – ამის შესახებ „დოიჩე ველე“ წერს.
შემთხვევის შედეგად, სულ მცირე, 12 ადამიანი დაშავდა. სატვირთო მანქანის მძღოლის მდგომარეობის შესახებ ინფორმაცია ამ დროისთვის უცნობია.
Intercity Express-ის მატარებელში სულ 250 მგზავრი იმყოფებოდა.
მატარებელში მყოფმა ერთ-ერთმა მგზავრმა განაცხადა, რომ მატარებელმა უეცრად მკვეთრად დაამუხრუჭა, რასაც ძლიერი დარტყმის ხმა მოჰყვა.
შეჯახების მიზეზი ჯერჯერობით უცნობია.
