⚫‼რუსეთის საჰაერო ტრანსპორტის ფედერალურმა სააგენტომ დაადასტურა, რომ „ვაგნერის“ ხელმძღვანელი ევგენი პრიგოჟინი იმყოფებოდა თვითმფრინავში

რუსეთის საჰაერო ტრანსპორტის ფედერალურმა სააგენტომ დაადასტურა, რომ „ვაგნერის“ ხელმძღვანელი ევგენი პრიგოჟინი იმყოფებოდა თვითმფრინავში, რომელიც ტვერის ოლქში ჩამოვარდა.

„როსავიაციის“ ცნობით, ბორტზე იმყოფებოდნენ მგზავრები: სერგეი პროპუსტინი, ევგენი მაკარიანი, ალექსანდრ ტოტმინი, ვალერი ჩეკალოვი, დმიტრი უტკინი, ნიკოლაი მატუსეევი და ევგენი პრიგოჟინი;

ასევე, ეკიპაჟის წევრები: მეთაური ალექსეი ლავშინი, მეორე პილოტი რუსტამ კარიმოვი და ბორტგამცილებელი კრისტინა რასპოპოვა.

„თვითმფრინავის ფრენა განხორციელდა საჰაერო სივრცით სარგებლობის დადგენილი წესით გაცემული ნებართვის საფუძველზე“, – აღნიშნულია „როსავიაციის“ მიერ გავრცელებულ განცხადებაში.

ამასთან, რუსული მედია სასწრაფო დახმარების სამსახურზე დაყრდნობით წერს, რომ თვითმფრინავის ბორტზე მყოფი ათივე ადამიანის ცხედარი უკვე ამოასვენეს და სამძებრო სამუშაოები დასრულებულია.
წყარო: 1tv.ge