პროგრამა
- მისალმებები: ავთანდილ მიქაბერიძე, ნანა შურაძე & თათია პაიკიძე.
- ლექცია-საუბარი თემაზე:
 ,,ძველი კოლხეთი და ანტიკური სამყარო".
მომხსენებელი: საქართველოს ეროვნული მუზეუმის ოთარ ლორთქიფანიძის სახ. ვანის არქეოლოგიური მუზეუმ-ნაკრძალის მმართველი, ისტორიკოს-არქეოლოგი ომარ გაბუნია.
 საპატიო სტუმრის სტატუსით გვეყოლება ცნობილი იმერელი მომღერალი და კომპოზიტორი მურმან შათირიშვილი.
 საღამოს ბოლოს, იქვე დარბაზში, გაიმართება მცირე კონცერტი და მიღება - ,,იმერული შემოდგომის ნობათი".

 ამჟამინდელი შეკრების საბაბი გახლავთ ის, რომ წინა დღეებში ათენს ეწვევა ქ. ვანის კულტურის ცენტრთან არსებული ქორეოგრაფიული ანსამბლი ,,ახალი ერა" (ქორეოგრაფები: რიტა ორმოცაძე და რატი მამასახლისი; სამხატვრო ხელმძღვანელი მიხეილ პირველაშვილი), რომელიც 15 ოქტომბერს, თეატრში ,,კნოსოს" ერთობლივ კონცერტს გამართავს ათენის ქართული ცეკვებისა და სიმღერების ანსამბლ ,,კავკასიასთან" ერთად.

 აღსანიშნავია, რომ ეს იქნება ,,კავკასიას" მიერ ინიცირებული რიგით მეოთხე თემატური შეხვედრა ქართულ ემიგრაციასთან.
პირველი ორი საღამო საკმაოდ წარმატებით გაიმართა წინა წლებში:
1. ,,მესხეთიდან - ელადამდე" (25.03.2018);
2. ,,ისტორიული ჰერეთიდან (აზერბაიჯანი) - ელადამდე" (22.09.2019).
 რიგით მესამე ღონისძიება დაგეგმილია შემდეგ შაბათს, 7 ოქტომბერს:
 ,,კახეთიდან (ახმეტა) - ელადამდე",
ცნობილი მომღერლისა და მენეჯერის მალხაზ მელქუაშვილის უშუალო მონაწილეობითა და თანადგომით.

 მსგავსი თემატური საღამოები მიზნად ისახავენ ჩვენი ქვეყნის ისტორიული და კულტურული ღირშესანიშნაობების გაცნობას როგორც საქართველოს სხვადასხვა კუთხიდან ჩამოსული ემიგრანტებისათვის, ასევე ადგილობრივი ბერძნებისათვის.

 დასწრება: თავისუფალი (მოსაწვევი ბარათებით).
 გთხოვთ, დარეგისტრირდეთ შემდეგ ტელეფონებზე:
210.7211226 / 6999.640412 / 6995.956444 / 6995.984242

 მისამართი: პატისიონის ქ. 81 (იგივე 28 ოქტომბრის ქუჩა), 1 სართ. (,,ვიქტორიას მოედანი").
 ათენის განათლებისა და კულტურის ცენტრი ,,კავკასია"