საბერძნეთის რესპუბლიკაში საქართველოს საელჩოს მხარდაჭერითა და ათენის ქართული დიასპორული ორგანიზაციების მონაწილეობით, 21 და 22 ოქტომბერს გაიმართება “საქართველოს დღეები ათენში”.
ღონისძიების ფარგლებში, 21 ოქტომბერს, 14:00 საათზე, მოსხატოს კულტურის ცენტრში (Χρυσοστόμου Σμύρνης 18, Μοσχάτο 18344), წარმოდგენილი იქნება ნოდარ დუმბაძის სახელობის მოზარდმაყურებელთა თეატრის სპექტაკლი “მზიანი გული”.
პროექტი ხორციელდება საქართველოს საგარეო საქმეთა სამინისტროს მიერ დაფინანსებული "დიასპორული ინიციატივების მხარდაჭერის პროგრამის" ფარგლებში, ბერძნულ-ქართული კულტურული ასოციაციის ინიციატივით.
წარმოდგენა ეძღვნება ნოდარ დუმბაძის 95 წლის იუბილეს.
ღონისძიებებზე დასწრება თავისუფალია.
"ემიგრანტ ტვ" შეიქმნა 2018 წელს საქართველოში, ქართველ ემიგრანტთა ხელშეწყობით. მედია პორტალის მიზანია: აქტიურად გააშუქოს ქართველ ემიგრანტთა ყოფა-ცხოვრება მთელი მსოფლიოს მასშტაბით, ასევე მოახდინოს ემიგრანტთა ინფორმირება მათი საჭირბოროტო საკითხებთან დაკავშირებით, ამჟამად "ემიგრანტ ტვ"-ს ადმინისტრირება ხორციელდება საბერძნეთის დედაქალაქ ათენიდან. etvgeorgia@gmail.com
