14 ოქტომბერს, ათენის კულტურის ცენტრ "კავკასია"-ში გაიმართა თემატური ღონისძიება, სახელწოდებით "ანტიკური ვანიდან - ელადამდე". საღამოს ესწრებოდნენ საქართველოდან სპეციალურად მოწვეული სტუმრები: ვანის არქეოლოგიური მუზეუმის დირექტორი, არქეოლოგი ომარ გაბუნია, რომელმაც ქართველ ემიგრანტებს გააცნო ანტიკური ვანის არქეოლოგიური კვლევის მასალები; ასევე, ქალაქ ქუთაისის საპატიო მოქალაქე, ბატონი მურმან შათირიშვილი, რომელმაც ათენის კულტურის ცენტრ "კავკასია"-ს ვოკალურ ანსამბლთან ერთად შეასრულა რამდენიმე ქალაქური სიმღერა. ღონისძიებას მიესალმნენ საქართველოს საელჩოს წარმომადგენელები - მრჩეველი, დავით კორძაძე და დროებით საქმეთა რწმუნებული, დეა მუმლაძე, რომელმაც დამსწრე საზოგადოებას ახლადდანიშნული საკონსულო სამსახურის ხელმძღვანელი, გელა ჯაფარიძე წარუდგინა.
"ემიგრანტ ტვ" შეიქმნა 2018 წელს საქართველოში, ქართველ ემიგრანტთა ხელშეწყობით. მედია პორტალის მიზანია: აქტიურად გააშუქოს ქართველ ემიგრანტთა ყოფა-ცხოვრება მთელი მსოფლიოს მასშტაბით, ასევე მოახდინოს ემიგრანტთა ინფორმირება მათი საჭირბოროტო საკითხებთან დაკავშირებით, ამჟამად "ემიგრანტ ტვ"-ს ადმინისტრირება ხორციელდება საბერძნეთის დედაქალაქ ათენიდან. etvgeorgia@gmail.com
