საქართველოში „სტარლინკი“ ჩაირთო — რა ეღირება სატელიტური ინტერნეტი

საქართველოში უკვე ხელმისაწვდომია ილონ მასკის დაფუძნებული კომპანია „სტარლინკის“ სატელიტური ინტერნეტი.

კომპანიის მონაცემებით, საქართველო სამეზობლოში გახდა პირველი ქვეყანა, სადაც „სტარლინკი“ ჩაირთო. „სტარლინკის“ ინტერნეტი აზერბაიჯანსა და სომხეთში 2024 წელს ჩაირთვება, თურქეთში კი კომპანია მარეგულირებლის ნებართვას ელოდება. რაც შეეხება რუსეთს, აქ შესვლას  „სტარლინკი“  ამ ეტაპზე არც გეგმავს.

სწრაფი სატელიტური ინტერნეტის ღირებულება კერძო პირებისთვის თვეში 160 ლარიდან დაიწყება, ინტერნეტის მიმღები მოწყობილობის შეძენა, გადასახადების ჩათვლით, 2 015 ლარი ღირს.

კომპანიებისთვის სხვა ტარიფი მოქმედებს. მიმღები მოწყობილობის შეძენა კომპანიებს, ჯამში, 8 821 ლარი დაუჯდებათ, ყოველთვიური გადასახადი კი 708 ლარიდან იწყება.

წყარო: netgazeti.ge