ა.წ. 18-19 ნოემბერს ნიდერლანდებში კომპანია AndereWijn-ის ორგანიზებით იმპორტიორებისა და დისტრიბუტორებისთვის ქართული ღვინის დეგუსტაცია გაიმართა. ქართული ღვინის წარდგენას „Saperavi Wine Agency“-ის დირექტორი ბერნარდ ნაუტა (Bernard Nauta) უძღვებოდა, ხოლო საკუთარი პროდუქცია სტუმრებს თავად ღვინის მწარმოებელი კომპანიების „Koncho & Co-ს“ და „ფაფარი ველი“-ს წარმომადგენლებმა გააცნეს. ღონისძიებას, რომელიც მნიშვნელოვანია ქართული ღვინის ცნობადობისა და საექსპორტო პოტენციალის ზრდის კუთხით, ასევე დაესწრო საქართველოს საგანგებო და სრულუფლებიანი ელჩი ნიდერლანდების სამეფოში დავით სოლომონია.