ზუსტად 28 წლის წინ, 1995 წლის 2 ოქტომბერს საქართველოს ეროვნული ვალუტა - "ლარი" ქვეყნის მთელ ტერიტორიაზე ერთადერთ კანონიერ საგადამხდელო საშუალებად გამოცხადდა.
"მანეთი", "ქართული მანეთი", "მარჩილი", "ქართი", "რვალი" და "ლარი" - ეს იმ სახელების ჩამონათვალია, რომელიც ქართული ეროვნული ვალუტის ძირითადი ერთეულის სახელწოდებად განიხილებოდა. საბოლოოდ კი, შეირჩა ლარი - ძველი ქართული სიტყვა, რომელიც განძს, ქონებას ნიშნავს.
ლარს თავისი სიმბოლო აქვს - ₾, რომელიც საქართველოს ეროვნული ბანკის საბჭომ 2014 წლის 7 ივლისს დაამტკიცა. ლარის სიმბოლო ქართულ ანბანს ეფუძნება.
წყარო: Entrepreneur Georgia
"ემიგრანტ ტვ" შეიქმნა 2018 წელს საქართველოში, ქართველ ემიგრანტთა ხელშეწყობით. მედია პორტალის მიზანია: აქტიურად გააშუქოს ქართველ ემიგრანტთა ყოფა-ცხოვრება მთელი მსოფლიოს მასშტაბით, ასევე მოახდინოს ემიგრანტთა ინფორმირება მათი საჭირბოროტო საკითხებთან დაკავშირებით, ამჟამად "ემიგრანტ ტვ"-ს ადმინისტრირება ხორციელდება საბერძნეთის დედაქალაქ ათენიდან. etvgeorgia@gmail.com
