საბერძნეთში ბინადრობის ნებართვის განახლება — რა უნდა იცოდეთ

საბერძნეთში მცხოვრები მესამე ქვეყნის მოქალაქეებისთვის ბინადრობის ნებართვასთან დაკავშირებული განაცხადების მნიშვნელოვანი ნაწილი ელექტრონულად არის ხელმისაწვდომი.

საბერძნეთის მიგრაციისა და თავშესაფრის სამინისტროს ოფიციალური ელექტრონული პლატფორმის მიხედვით, ბინადრობის ნებართვის განახლებაზე განაცხადის შეტანა შესაძლებელია მოქმედი ნებართვის ვადის გასვლამდე ორი თვით ადრე.

ელექტრონული სისტემის საშუალებით შესაძლებელია:

• ბინადრობის ნებართვის განახლების მოთხოვნის შეტანა;
• პირველი ბინადრობის ნებართვის მოთხოვნა;
• განსაკუთრებული საფუძვლით ბინადრობის ნებართვაზე განაცხადის შეტანა;
• სხვა შესაბამისი განცხადებებისა და მოთხოვნების ელექტრონულად გაგზავნა;
• საქმის მიმდინარეობისა და გასაცემად მზად მყოფი ბინადრობის ნებართვის შესახებ ინფორმაციის შემოწმება.

განაცხადის შეტანისას მნიშვნელოვანია მოქალაქემ ყურადღებით შეამოწმოს, რომელი კატეგორიის ბინადრობის ნებართვა აქვს და კონკრეტულად რა დოკუმენტებია საჭირო მისი საქმისთვის, რადგან მოთხოვნები ნებართვის ტიპის მიხედვით განსხვავდება.

ETV.GE შეგახსენებთ, რომ ბინადრობის ნებართვასთან დაკავშირებული ინფორმაციის გადამოწმება რეკომენდებულია უშუალოდ საბერძნეთის მიგრაციისა და თავშესაფრის სამინისტროს ოფიციალურ ელექტრონულ სისტემაში.

წყარო: საბერძნეთის მიგრაციისა და თავშესაფრის სამინისტრო