საბერძნეთში მცხოვრები ქართველი ემიგრანტებისთვის, რომლებიც ჩართულნი არიან ადგილობრივ სოციალურ სისტემაში, OPEKA (საბერძნეთის სოციალური დახმარებებისა და სოციალური სოლიდარობის ორგანიზაცია) მნიშვნელოვან ინფორმაციას ავრცელებს. ორგანიზაციის ცნობით, წარმატებით დასრულდა განაცხადების მიღება LAE/OPEKA (სოფლის მეურნეობის მუშაკთა სოციალური დახმარების ანგარიში / საბერძნეთის სოციალური დახმარებებისა და სოციალური სოლიდარობის ორგანიზაცია) ფინანსურ დახმარებებზე.
ოფიციალური ცნობით, პირველი განაცხადების საფუძველზე თანხების ჩარიცხვა სამშაბათს, 28 ივლისს დაიწყება. აღნიშნული განაცხადები ეხება სამშვილიან და მრავალშვილიან დედებს, ასევე სამშვილიან და მრავალშვილიან მარტოხელა მამებს.
გახსოვდეთ, რომ აღნიშნული დახმარების მისაღებად ბენეფიციარები უნდა აკმაყოფილებდნენ პროგრამით გათვალისწინებულ სპეციალურ სოციალურ და სადაზღვევო კრიტერიუმებს. დახმარება ავტომატურად არ ვრცელდება საბერძნეთში მცხოვრებ ყველა ემიგრანტზე.
წყარო: OPEKA — საბერძნეთის სოციალური დახმარებებისა და სოციალური სოლიდარობის ორგანიზაცია