ამა წლის 7 ოქტომბერს, შაბათს, 17:00 საათზე, გულითადად ვიწვევთ ათენის ქართულ დიასპორას, განსაკუთრებით ახმეტელებს და კახეთის ისტორიითა და კულტურით დაინტერესებულ ქართველ და ბერძენ მეგობრებს თემატური საღამოზე:
,,კახეთიდან (ახმეტა) - ელადამდე"
.
პროგრამა ,,კახეთი - საქართველოს კულტურისა და ეკონომიკის ხერხემალი".
საპატიო სტუმრის სტატუსით გვეყოლება ცნობილი მომღერალი ფატი ბროლაშვილი. საღამოს ბოლოს, იქვე დარბაზში, გაიმართება მცირე კონცერტი და მიღება - ,,კახური შემოდგომის ნობათი". ამჟამინდელი შეკრების საბაბი გახლავთ ის, რომ წინა დღეებში ათენს ეწვევიან ცნობილი ქართველი ხელოვანები მალხაზ მელქუაშვილი და ფატი ბროლაშვილი, რომლებიც 8 ოქტომბერს, თეატრში ,,კნოსოს" არაჩვეულებრივ კონცერტს გამართავენ ათენის ქართული ცეკვებისა და სიმღერების ანსამბლ ,,კავკასიასთან" ერთად. აღსანიშნავია, რომ ეს იქნება ,,კავკასიას" მიერ ინიცირებული რიგით მესამე თემატური შეხვედრა ქართულ ემიგრაციასთან. რიგით მეოთხე ღონისძიება დაგეგმილია შაბათს, 14 ოქტომბერს: ,,ანტიკური ვანიდან - ელადამდე". მსგავსი თემატური საღამოები მიზნად ისახავენ ჩვენი ქვეყნის ისტორიული და კულტურული ღირშესანიშნაობების გაცნობას როგორც საქართველოს სხვადასხვა კუთხიდან ჩამოსული ემიგრანტებისათვის, ასევე ადგილობრივი ბერძნებისათვის. დასწრება: თავისუფალი (მოსაწვევი ბარათებით). გთხოვთ, დარეგისტრირდეთ შემდეგ ტელეფონებზე:
მისამართი: პატისიონის ქ. 81 (იგივე 28 ოქტომბრის ქუჩა), 1 სართ. (,,ვიქტორიას მოედანი"). ათენის განათლებისა და კულტურის ცენტრი ,,კავკასია"
"ემიგრანტ ტვ" შეიქმნა 2018 წელს საქართველოში, ქართველ ემიგრანტთა ხელშეწყობით. მედია პორტალის მიზანია: აქტიურად გააშუქოს ქართველ ემიგრანტთა ყოფა-ცხოვრება მთელი მსოფლიოს მასშტაბით, ასევე მოახდინოს ემიგრანტთა ინფორმირება მათი საჭირბოროტო საკითხებთან დაკავშირებით, ამჟამად "ემიგრანტ ტვ"-ს ადმინისტრირება ხორციელდება საბერძნეთის დედაქალაქ ათენიდან. etvgeorgia@gmail.com
