თბილისს ფიფა-ს პრეზიდენტი ჯანი ინფანტინო ეწვია
ფიფა-ს პრეზიდენტი ჯანი ინფანტინო საქართველოს სპეციალური ვიზიტით ესტუმრა.
ვიზიტის ფარგლებში, 13 ნოემბერს მსოფლიო ფეხბურთის მმართველი ორგანოს ხელმძღვანელი, ფიფა-ს დელეგაციასთან ერთად, შეხვედრებს გამართავს საქართველოს ფეხბურთის ფედერაციის წარმომადგენლებთან.
ასევე დაგეგმილია საფეხბურთო ინფრასტრუქტურის, მათ შორის, ყოფილი „ავაზას“ ტერიტორიაზე მიმდინარე სფფ-ის დიღმის საფეხბურთო ცენტრის მშენებლობის დათვალიერება, რომელიც ფიფა-ს თანადაფინანსებით მიმდინარეობს. სტუმრები ასევე ეწვევიან მიხეილ მესხის სახელობის სტადიონს.
