უკრაინის თავდაცვის ძალებმა პირველად დაარტყეს რუსეთის ტერიტორიას „ატაკამსის“ ტიპის ბალისტიკური რაკეტებით.
უკრაინული მედია ქვეყნის თავდაცვის ძალებზე დაყრდნობით წერს, რომ უკრაინელმა სამხედროებმა რუსეთის ბრიანსკის ოლქის ქალაქ კარაჩევის რაიონში სამხედრო ობიექტი დაბომბეს, რის შემდეგაც სამიზნე წარმატებით განადგურდა.
კარაჩევი მდებარეობს რუსეთის ბრიანსკის მახლობლად და უკრაინის საზღვრიდან დაახლოებით 130 კმ-ის დაშორებით. ადგილობრივი დროით ღამის 02:30 საათისთვის სამიზნე ზონაში 12 მეორადი აფეთქება მოხდა.
