ღვინის ეროვნული სააგენტოს მხარდაჭერით, ბელგიაში ქართული ღვინის წარდგენა გაიმართა
ბელგიის სამეფოს ქალაქ გენტში, გამოფენაზე HORECA EXPO ქართული ღვინის წარდგენა ღვინის ეროვნული სააგენტოს მხარდაჭერით და სააგენტოს კონტრაქტორი კომპანიის, FLOW SRL-ის ორგანიზებით გაიმართა.
HORECA EXPO სასტუმროების, რესტორნებისა და კაფეების ინდუსტრიის უდიდესი გამოფენაა. გამოფენა ასევე მოიცავს ვორქშოფებს, კულინარიის კონკურსებს და სემინარებს. HORECA EXPO-ს, ტრადიციულად, ათეულ ათასობით ადამიანი ესწრება.
ქართული ღვინო წარდგენილი იყო გამოფენის Chef’s Place ნაწილში, სადაც თავს იყრიან ტოპშეფები, სომელიეები, ბლოგერები და ჟურნალისტები. გამოფენაზე წარმოდგენილი იყო ქართული ღვინის მწარმოებელი სამი კომპანიის 10-მდე ღვინო. ღვინის ეროვნული სააგენტოს საქმიანობის ერთ-ერთ ძირითად მიმართულებას საერთაშორისო ბაზრებზე ქართული ღვინის პოპულარიზაცია წარმოადგენს. სააგენტო ქართული ღვინის პოპულარიზაციის ხელშეწყობის ფარგლებში 2013 წლიდან, ბაზრების დივერსიფიცირების მიზნით, მიზანმიმართულ სარეკლამო-მარკეტინგულ კამპანიებს აშშ-ში, ევროპისა და აზიის ქვეყნებში ახორციელებს.
ინფორმაციას ღვინის ეროვნული სააგენტო ავრცელებს.
