ავსტრალიაში აქციაზე პოლიციამ 170 ეკოაქტივისტი დააკავა
ავსტრალიელმა ეკოაქტივისტებმა ახალი უელსის სანაპიროსთან საპროტესტო აქცია გამართეს. ისინი ქვანახშირის საექსპორტო ტერმინალთან შეიკრიბნენ და გემებს პორტში შესვლის საშუალებას არ აძლევდნენ.
მას შემდეგ, რაც პოლიციის განკარგულებას არ დაემორჩილნენ, სამართალდამცველებმა აქციის მონაწილეების დაკავება დაიწყეს. ჯამში დაკავებულია 170 აქტივისტი.
