გვატემალაში ავტობუსის ხევში გადავარდნის შედეგად, სულ მცირე, 51 ადამიანი დაიღუპა
გვატემალაში ავტობუსის ხევში გადავარდნის შედეგად, სულ მცირე, 51 ადამიანი დაიღუპა, – ამის შესახებ „როიტერი“ წერს.
გავრცელებული ინფორმაციით, ავტობუსში 75 ადამიანი იმყოფებოდა.
ამ დროისთვის ადგილზე სამაშველო ოპერაცია მიმდინარეობს.
გვატემალას პრეზიდენტმა, ბერნარდო არევალომ ქვეყანაში სამდღიანი გლოვა გამოაცხადა.
