თურქეთის მთავრობა სამსუნი-სარფის დამაკავშირებელი რკინიგზის მშენებლობას იწყებს
თურქეთის მთავრობა სამსუნი-სარფის დამაკავშირებელი რკინიგზის მშენებლობას იწყებს. ინფორმაციას ამის შესახებ თურქული მედია ავრცელებს.
თურქეთის ტრანსპორტის და ინფრასტრუქტურის მინისტრმა, აბდულკადირ ურალოღლუმ განაცხადა, რომ 509 კილომეტრის სიგრძის სამსუნი-სარფის რკინიგზა 10 მილიონ ადამიანს მოემსახურება.
სარკინიგზო მაგისტრალის მშენებლობის დაწყება უახლოეს მომავალში იგეგმება. სარკინიგზო მაგისტრალი დაფარავს სამსუნის, ორდუს, გირესუნის, ტრაპიზონის, რიზეს და ართვინის რეგიონებს.
„დავიწყეთ რკინიგზის პროექტის სამსუნი-სარფის მონაკვეთის პროექტების გაკეთება, რაზეც მთელი შავი ზღვა ლაპარაკობს; სარკინიგზო პროექტი, რომელიც ანკარიდან სამსუნამდე და სამსუნიდან სარფამდე წავა“, – განაცხადა აბდულკადირ ურალოღლუმ.
